გარე რეკლამა აქტიურად გამოიყენება სხვადასხვა მომსახურებისა თუ პროდუქტის პრომოუშენისთვის. ყოველ დღე ვხედავთ ბანერებს, ბილბორდებს და ხშირ შემთხვევაში, მათი უმეტესობა თავისი ბანალური და უინტერესო დიზაინით სხვებისგან არაფრით გამოირჩევა.

ბოლო პერიოდში საერთაშორისო ბრენდებმა სრულიად ახალი მიმართულება აირჩიეს და ახალი სიცოცხლე შესძინეს თავიანთ ბილბორდებს – მათ დაიწყეს ერთგვარი შეჯიბრი, თუ ვინ უფრო დასამახსოვრებელ და უნიკალურ ვიზუალს შექმნის საკუთარი პროდუქციის პრომოუშენისთვის.

ამ პოსტში შემოთავაზებულმა თითოეულმა ბილბორდმა, არამარტო ჩემი, არამედ მთელი მსოფლიოს ყურადღება მიიპყრო. ისინი ყველას დაამახსოვრდა საინტერესო იდეისა და ვიზუალის გამო.

ეს ბილბორდები არამხოლოდ პროდუქციისა თუ მომსახურიბების პრომოუშენს ახორციელებენ, არამედ თითოეულ გამვლელს პოზიტიურ დამოკიდებულებას უყალიბებენ კომპანიის მიმართ. ეს ის შემთხვევაა, როდესაც ბილბორდი არ არის მხოლოდ ბილბორდი – ის საინტერესო და, რიგ შემთხვევაში, გამოყენებადიც კი არის.