დროის სტანდარტული აღქმის ცვლილებასთან ერთად მომხმარებელთა მოლოდინები და ქცევებიც სწრაფად იცვლება. ეს სტატია ასახავს, როგორ შეუძლიათ ადამიანებს უკეთ დაგეგმონ მომხმარებელთან კომუნიკაცია მუდმივად ცვალებად გარემოში.

ცვალებადი დროის განცდა გავლენას ახდენს ყოველდღიურ არჩევანზე, ინფორმაციის მიღების სისწრაფეზე, ბრენდებთან ურთიერთობის ტონზე და მოლოდინების მართვაზე. სწორედ ამ ცვლილების გააზრება გახდა საფუძველი ისეთი გლობალური კვლევის, როგორიცაა Trend Compendium, რომელიც შეიქმნა Golin-ის სტრატეგიული გუნდების მიერ ჩრდილოეთ ამერიკაში, ევროპასა და აზიაში. მასში თავმოყრილია 250-ზე მეტი ტენდენციის ანგარიში და 3,000-ზე მეტი მიკრო-ტენდენცია, რომლებიც 2025 წელს კომუნიკაციის მომავალს განსაზღვრავს.

ტენდენციების ანალიზი ცხადყოფს, რომ გასულმა ხუთმა წელმა ძირეულად გარდაქმნა ადამიანის დროის მიმართ დამოკიდებულება. დღეს თითქმის ორი მესამედი ამბობს, რომ ხშირად დროის შეგრძნება ეკარგება, თითქმის ნახევარს აღენიშნება მეხსიერების ხარვეზები, ხოლო 80%-ზე მეტ ადამიანს ეჩვენება, რომ ცხოვრება 2020 წლიდან მოყოლებული აჩქარდა. ამ განცდას მეცნიერები „Time blindness“-ს უწოდებენ — ფენომენს, რომელიც დაკავშირებულია ჩვენს ნევროლოგიურ მდგომარეობასთან: სტრესისა და ტრავმის პირობებში ტვინი ვერ ახერხებს მოვლენების თანმიმდევრულად დამუშავებას და მოგონებები ფრაგმენტებად ეშლება.

თაობები გადავიდნენ ახალ ფაზაში

დღეს ყველა თაობა ახალ რეალობას ეძებს:

• Gen Beta (დაბადებული 2025-დან): პირველები, ვინც 65+ ასაკობრივ ჯგუფთან შედარებით უმცირესობაში იქნებიან.
• Gen Alpha (0–12): „აჩქარებული ბავშვობა“ და ხელოვნური ინტელექტის ინტეგრაცია ადრეული ასაკიდან.
• Gen Z (13–28): სრულწლოვანებას მიაღწიეს, მაგრამ დამოუკიდებლობას ეკონომიკური სირთულეები აფერხებს.
• Millennials (29–44): ცხოვრების ტრადიციული გზის გადაფასება.
• Gen X (45–60): „სენდვიჩ თაობა“ — ზრუნავენ მშობლებსა და შვილებზე ერთდროულად.
• Boomers (61–79): თავიანთ ბებია-ბაბუებზე ახალგაზრდულად აღიქვამენ თავს.
• Seniors (80–95): „ვერცხლის ხანის“ განახლება — ხანგრძლივი სიცოცხლისა და ციფრული მემკვიდრეობის ეპოქა.

ძირითადი ცვლილებები დროის აღქმაში.

• ასაკი აღარ განსაზღვრავს აქტივობებს — თაობებს შორის ზღვარი ბუნდოვანია: 60 წლის ადამიანები გაცნობის აპლიკაციებზე  რეგისტრირდებიან,  ხოლო ახალგაზრდები „მინი-პენსიებზე“ ფიქრობენ.
• განრიგის ტრანსფორმაცია — მკაცრი სტრუქტურებიდან გადავდივართ მოქნილ, პერსონალიზებულ რეჟიმზე.
• მარტივი გზების ეპოქა — მომხმარებელთა 55% სწრაფ გადაწყვეტილებებს ანიჭებს უპირატესობას. Google-ის ძიებების 60% კი ყოველგვარი დაწკაპუნების გარეშე სრულდება.
• დროში შერწყმული ესთეტიკა — გაჩნდა სიურეალისტური ვიზუალური ენა, რომელიც წარსულის სიმბოლოებსა და მომავლის ელემენტებს აერთიანებს, რაც ასახავს ჩვენს საერთო გაურკვევლობას.

როგორ ვიცხოვროთ ახალ რეალობაში?

დღეს — წარსული, აწმყო და მომავალი ერთმანეთში ირევა. ცხოვრების ტრადიციული ფაზები ქრება. ვიზუალური კულტურა დროის მრავალ ხაზს აერთიანებს. რაც არა მხოლოდ დაბნეულობას იწვევს — არამედ გვანიჭებს  თავისუფლებას.

რა მნიშვნელობა აქვს ამას ბრენდებისთვის:

1. თაობების ახლებური გააზრება — ყველა ადამიანი ცხოვრების ახალ ეტაპზეა, განურჩევლად ასაკისა.
2. არასტანდარტული გზების მხარდაჭერა — მხარი აუბით ინდივიდუალურობას, რომელიც წესებს არ ემორჩილება.
3. განრიგის ახალი შესაძლებლობები — დღევანდელი მოქნილი რუტინის არატრადიციულ მომენტებთან დაკავშირება.
4. ადამიანებთან დაამაყრეთ ემოციური კავშირი, არ განასხვავოთ ისინი ასაკობრივი კატეგორიებით
5. მოკლე გზების შექმნა — დაეხმარეთ მომხმარებლებს დროის დაზოგვაში.
6. დროში შერწყმული ესთეტიკა — მემკვიდრეობა და ინოვაცია ერთ ნარატივში გააერთიანეთ.
7. დაეხმარეთ ადამიანებს იპოვონ სიმშვიდე იმ სამყაროში, სადაც ყველაფერი ქაოტურია.