ამ წელს დამეხმარა მეტი ინიციატივის გამოჩენა სამუშაო პროცესში – კრეატიულ მიმართულებებზე საკუთარი ხედვის გაზიარება და პასუხისმგებლობის აღება კონკრეტულ ამოცანებზე. ასევე, დავალებების ვადების და მოლოდინების წინასწარ შეთანხმება გუნდთან და მათთან დროული უკუკავშირი ამარტივებდა სამუშაო პროცესს. შედეგად, დროს უფრო პროდუქტიულად ვიყენებდი და დავალებაც უფრო ხარისხიანად სრულდებოდა. შედარებით შემცირდა გაუთვალისწინებელი კორექტირებებიც, გაიზარდა ნდობა გუნდში და კრეატიული გადაწყვეტილებები უფრო მიზანმიმართული გახდა. მომავალშიც გავაგრძელებ აქტიურ ჩართულობას პროექტებში, დავალებების დაგეგმვას და გუნდთან ხშირ კომუნიკაციას.

ზოგჯერ ერთ კრეატიულ მიმართულებაზე ზედმეტად დიდხანს ვჩერდებოდი და გადაწყვეტილებების გადადება აფერხებდა პროცესს. მინდა უკეთ შევძლო დროის მენეჯმენტი, უფრო სწრაფად მივიღო გადაწყვეტილებები და უფრო თავდაჯერებულად გამოვხატო საკუთარი აზრი.

ვეცდები უფრო მოქნილი და შედეგებზე ორიენტირებული მიდგომა გავაძლიერო. საკუთარ თავს, გუნდთან შეთანხმებით, დავუწესებ კონკრეტულ ვადებს, რაც დროის მენეჯმენტში და პრიორიტეტების განაწილებაში დამეხმარება. ასევე, პროექტების საწყის ეტაპზე უფრო აქტიურად ჩავერთვები განხილვებში, იდეებს დროულად გავაჟღერებ და უკუკავშირს ნაკლებად გადავავადებ.